ЖЧ-2022. Кавани Португалияга учралган мағлубиятдан сўнг: "Саволларни бош мураббийга беринг"

Жаҳон чемпионати гуруҳ босқич 3-тур доирасида Уругвай терма жамоаси Португалияга мағлуб бўлди (0:2). Мазкур баҳсдан сўнг жанубий америкаликлар ҳужумчиси Эдинсон Кавани ўйин ҳақида ўз фикрларини билдириб ўтди.

"Саволларни бош мураббий Диего Алонсога беринг. У ўйиннинг тактик жиҳатлари борасида гапириши лозим. Бу футбол, гоҳида ғоялар амалга ошади, гоҳида эса ундай эмас. У кейинги ўйинга муносиб тайёргарлик кўради, деган умиддаман.

Мағлубият аламли бўлади, албатта. Бизда имкон борлигини биламиз. Жаҳон чемпионатида очко йўқотиш яхши эмас. Аммо биз ўзимизни тиклаб олишимиз, нима қилиш кераклигини англашимиз ва сўнгги ўйинни худди финал каби ўтказишимиз керак. Бизда плей-оффга чиқиш имкони мавжуд ва бундан фойдаланишимиз керак", - деди "Валенсия" клуби футболчиси.

Маълумот ўрнида, Уругвай мундиал гуруҳ босқичининг сўнгги турида Ганага қарши майдонга тушади. Икки турдан кейин терма 1 очко жамғариб, “H” гуруҳида сўнгги ўринни эгаллаб турибди.