“Жаноб, мени тезроқ қўйиб юборинг!”

“Реал” ярим ҳимоячиси Иско қишки трансферлар вақтида Мадридни тарк этишга шошиляпти. 28 ёшли футболчи етарли ўйин амалиётига эга бўлмаётгани боис, бошқа жамоага ўтиб мунтазам майдонга тушмоқчи.

Иско клуб раҳбариятидан ўзини тезроқ қўйиб юборишни талаб қилмоқда. Чунки “Қироллик клуби” истеъдодли плеймейкерга таклифлар кўпайиб кетганини инобатга олиб, унинг трансфер  суммасини 70 миллион еврогача кўтарган эди.

Бироқ, Искога оғиз солаётган жамоалар нарх қарийб уч баробар оширилгани учун фикрини ўзгартирди. Ҳозир, "Реал"да Иско бўйича аниқ таклифлар йўқ.

Футболчининг амалдаги шартномаси 2022 йилнинг ёзида якунланади. Испаниялик ярим ҳимоячи мадридликлар таркибида 2013 йилдан бери ўйнамоқда. У шу пайтгача қадар жами примерада 215 та учрашувда майдонга тушиб, 36 та гол ва 44 та ассист муаллифи бўлган.