Жамшидбек Нажмиддинов эртанги жанги олдидан нималар деди?
- 16-октябр 2021, 16:00
- Ahmadbek Eshmatov
- 0
- Бокс
Тошкент вақти билан 17 октябрь тонгида Америка Қўшма Штатларининг Бруклин шаҳрида жойлашган "Barclays Center" аренасида Triller компанияси томонидан ташкил этилаётган профессионал бокс оқшоми бўлиб ўтади. Эътиборлиси, унда ўзбекистонлик боксчи Жамшидбек Нажмиддинов ҳам ўзининг океан ортидаги дебют жангини Уилл Мадерага қарши ўтказади. Мазкур баҳс олдидан боксчимиз ўз фикрлари билан ўртоқлашди.
"Мен жуда мамнунман. Америкада жанг қилиш имкониятини узоқ вақтдан бери кутаётган эдим. Мен ўзимдаги энг зўр маҳоратни кўрсатаман. Тўғриси рақибим Мадера ҳақида ҳеч нарса билмайман. Мен ким билан бўлмасин жанг қилишни хоҳлайман. Бу ерга шунчаки осон жанглар учун келмадим. Нью-Йоркда жанг қилиш жуда ажойиб ва бу мени ўзимни кўрсатишга ундайди. Ўзимга ишончим баланд ва жангда 5 ёки 6-раундда ғалаба қозонишимга ишонаман",-дейди Нажмиддинов.
Манба: Boxingscene.com
Райан Гарсиянинг бу сафарги жанги ҳам қолдирилди. У қўлида жарроҳлик амалиёти ўтказади