Жамоадоши билан тўқнашган пойгачи четлатилиши мумкин

“Алпинь” бошлиғи Бруно Фамен Эстебан Оконни Монте-Карлода жамоадоши Пьиер Гасли билан тўқнашиб кетганидан сўнг Канада Гранд-присидан четлаштиш ҳақида жиддий ўйламоқда, деб хабар берди Sky Sports журналисти Крейг Слейтер.

Тахминларга кўра, Оконнинг Монреалдаги ўрнини жамоанинг заҳирадаги ҳайдовчиси Жек Дуэн эгаллаши мумкин.

“Айтиш мумкинки,  “Алпинь” раҳбари бу ечимни жиддий кўриб чиқмоқда. У жамоа учун фойдали бўлган нарсани қилади. Агар у жамоада қандай интизом бўлиши кераклигини кўрсатиш учун Эстебан Оконни бир ҳафтага дисквалификация қилиш керак, деган қарорга келса, у буни қилишга тайёр. Аммо ҳозирча қарор қабул қилинмаган”,- деб ёзди Sky Sports мухбири.

Бундан ташқари, “Алпинь” франсиялик пилотни пул билан жаримага тортиш вариантини кўриб чиқмоқда. 

Гранд-придан кейин Окон ва Фамен ўртасида суҳбат бўлиб ўтди. Окон бошлиғидан ва мухлислардан кечирим сўради.