- #Ўзбекистон
- #Аргентина
- #U-20
- #Футбол бўйича жаҳон чемпионати
- #Япония
- #Жанубий Корея
- #Ироқ
- #Янги Зеландия
- #Гватемала
- #Исроил
"Жаҳон чемпионати U-20". Барча гуруҳлардаги якуний ҳолат билан танишинг!
- 29-май 2023, 15:13
- 1
- Футбол
20 ёшгача бўлган футболчилар ўртасидаги жаҳон чемпионатида гуруҳ босқич ўйинлари якунига етди. 16 та жамоа плей-офф масаласини ҳал қилди.
"A" гуруҳида Аргентина, Ўзбекистон ва Янги Зеландия кейинги босқичга чиқди. Гватемала эса очко тўплай олмасдан 4-ўринни эгаллади. Янги Зеландия 4 очко жамғариб, 3-ўрин билан плей-офф йўлланмасини қўлга киритди.
"B" гуруҳида АҚШ, Эквадор ҳамда Словакия нимчорак финал масаласини ҳал қилди. Фижи нақ 16 та гол ўтказиб, сўнгги ўринда қолиб кетди.
"C" гуруҳида интрига авжида бўлди. Колумбия ютқазмасдан 1-ўринни қўлга киритди. Нимчорак финалдаги рақибимиз Исроил 2-ўринга эга чиқди. Япония эса 3 очко билан 3-поғонани банд этди. Аммо тўплар фарқи сабаб (-1) терма плей-оффга чиқа олмади. Сенегал эса 2 очко тўплаган ҳолда охирги ўринда қолди.
"D" гуруҳида бир эмас, икки эмас, нақ учта жамоа 6 очко тўплашга эришди. Бразилия биринчи, Италия иккинчи ўринни эгаллаган бўлса, Нигерия ҳам грандлар билан тенг очко тўплаб, 3-поғонадан жой олди. Доминикан Республикаси очко улашувчи терма бўлиб берди.
"E" гуруҳида Англия пешқадам бўлди. Уругвай иккинчи, Тунис эса учинчи ўрин билан нимчорак финалга йўл олди. Осиё кубоги финалчиси Ироқ термаси сўнгги поғонада қолиб кетди.
Сўнгги квартетда сенсация юз берди. Гамбия 3 та ўйинда ҳам мағлуб бўлмай, 7 очко билан етакчиликни қўлга олди. Қитъадошимиз Жанубий Корея терма жамоаси эса 5 очко билан иккинчи ўринни эгаллади. Франция 3 очко билан гуруҳда қолиб кетган. Гондурас 1 очко тўплаб, квартетда сўнгги ўринда.