Италиядан ташқарида ўйнашга тайёрман
- 17-май 2022, 20:02
- Zohir Toshxo’jayev
- 0
- Футбол
“Ювентус”даги фаолиятини якунлашга қарор қилган 37 ёшли ҳимоячи Жоржо Кьеллини легионер сифатида хорижда тўп тепишга тайёр эканини маълум қилди.
Тажрибали футболчининг айтишича, у доим бошқа мамлакатлар лигаларида ўйнашни орзу қилган ва ҳозир ана шундай имконият пайдо бўлди. Бунинг учун Жоржо оиласи билан бир қарорга келиб олиши кераклигини айтмоқда.
Италия матбуоти Жорже Кьеллини АҚШ чемпионатига ўтади, деган тахминни илгари сурмоқда.
Кьеллини “Ливорно” жамоаси тарбияланувчиси ҳисобланади. Кейин бир мавсум “Фиорентина”да ўйнаганидан кейин 2005 йилда Турин суперклубига кўчиб ўтган.
Тажрибали ҳимоячи жорий мавсум барча турнирларда 25 маротаба майдонга тушди ва бирорта самарали ҳаракатни амалга оширгани йўқ.
Изоҳлар (0)
Ҳозирча изоҳлар йўқ