Испания суперкубоги. "Реал" ва "Барселона"нинг рақиби маълум

Испания суперкубогида иштирок этадиган 4 жамоанинг номи аниқланди. Унга кўра, Ла Лига чемпиони "Реал", вице-чемпион "Барселона", кубок соҳиби "Бетис" ҳамда кубок финалчиси "Валенсия" суперкубок ярим финалида қатнашиш ҳуқуқини қўлга киритди.

Дастлабки ярим финал баҳси "Реал" ва "Валенсия" жамоалари ўртасида бўлиб ўтади. Кейинги беллашувда "Барселона" "Бетис" билан орани очиқ қилади.

Эслатиб ўтамиз, охирги суперкубокда "Реал" Мадрид ғолибликни қўлга киритганди. Финалда "қаймоқранглилар" "Атлетик"ни 2:0 ҳисобида мағлуб этган.