Испан клуби етти ўйинчини ҳайдаяпти

Испания чемпионатида иштирок этаётган “Севилья” таркибини оптималлаштиришга қарор қилди. Клуб раҳбарияти харажатларни қисқартириш мақсадида жамоага фойда келтирмаётган етти нафар футболчи билан хайрлашади.

“Севилья”ни биринчилардан бўлиб тарк этадиганлар рўйхатига Валентин Барко, Келечи Ихеаначо, Педро Ортис, Сусо, Маркао, Хуанлу Санчес ва Танги Нианзоу киритилди.

Бу футболчиларнинг аксарияти етарли даражада ўйин амалиётига эга бўлмаяпти. Ҳали Ла Лигада бирорта учрашувда иштирок этмаганлари ҳам бор.

Рўйхатдагилардан Хуанлу Санчес асосий таркиб ўйинчиси ҳисобланади ва 16 та учрашувда иккита гол уришга ҳам эришган.

Яна бир машҳур ўйинчи Келечи Ихеаначо ўн марта майдонга тушган бўлса-да, рақиб дарвозасини бирор марта ишғол қилгани йўқ.