Иордания U-23 бош мураббийи: "Гол ўтказиб юборилган ҳолат дарвозабон ва ҳимоячининг хатоси эвазига юзага келди"

Иордания U-23 ҳамда Ироқ U-23 терма жамоалари ўртасидаги беллашувда томонлар 1:1 ҳисобида дурангга имзо чекди. Иордания олимпия терма жамоаси бош мураббийи Аҳмед Ҳайел беллашувдан кейин қисқача ўз фикрлари билан ўртоқлашди.

"Бу натижага эришишимизда омад бизга ёрдам берди. Ўйинда натижа учун ҳамма нарса қилдик. Бироқ вазиятлардан фойдалана олмадик. 

Биз учун дуранг етарли эмас эди. Қолган икки ўйинда ғалаба қозонишни хоҳлаймиз. Кейинги баҳсларда ўсишга муваффақ бўламиз, деб ўйлайман.  

Гол ўтказиб юборилган ҳолат дарвозабон ва ҳимоячининг хатоси эвазига юзага келди. Бироқ илк ўйинда камчиликлар бўлиши табиий эди. Биз хатоларни тузатишимиз ва келгуси икки муҳим ўйинга тайёргарлик кўришимиз керак", - деди мутахассис.