Миланнинг "Интер" клуби "Челси" форварди Оливье Жируни сотиб олишни режалаштирмоқда. Бу ҳақда Tuttosport нашри хабар тарқатмоқда.
“Нерадзуррилар” раҳбарияти жамоанинг асосий ҳужумчиси Ромелу Лукакуга ўриндош қидиришмоқда ва бу борада айнан франциялик футболчи номзоди илгари сурилмоқда.
Эслатиб ўтамиз, “Интер” ёзда ушбу ўринга "Рома" форварди Эдин Жекони олиб келишга ҳаракат қилиб кўрди, бироқ якунда томонлар ўзаро келишувга эриша олишмади.
Маълумот учун, 33 ёшли Жиру жорий мавсум “Челси” сафида бор йўғи 3 та ўйинда майдонга тушди холос.
Изоҳлар (0)
Ҳозирча изоҳлар йўқ