Инсайдер: Жастин Гэтжига польшалик жангчи рақиблик қилади

Польшалик UFC жангчиси Матеуш Гамрот (24-4-1 N/C) америкалик Жастин Гэтжи (25-5) билан жангга тайёргарлик кўриш учун АҚШга жўнаб кетди. Бу ҳақда "Polsat Sport" журналисти Павел Страбек ижтимоий тармоқдаги саҳифасида хабар берди.

Маълумотларга кўра, Гамрот аллақачон потенциал тўқнашув учун йиғинга киришган.

Эслатиб ўтамиз, куни кеча Гэтжининг Дэн Хукерга қарши жанги рақибининг қўлидан олган жароҳати боис бекор қилинди.