IMMAF жаҳон чемпионати. Ғалабали юришларимиз давом этмоқда!

Бугун Грузиянинг Тбилиси шаҳрида ҳаваскор ММА (IMMAF) бўйича U-20 ва катталар ўртасида жаҳон чемпионати старт олди. 

Албатта, ушбу дунё биринчилигида ўзбекистонлик спортчилар ҳам иштирок этмоқда. 

-74,8 кг да ҳамюртимиз Муҳаммад Ҳанлаев 2-раундда мексикалик Хавер Кастро устидан ғалаба қозониб, кейинги босқичга йўл олди.

Шунингдек, яна бир вакилимиз Валиуллоҳ Хасанбоев ҳам 74,8 кг да исроиллик Лион Цемичкони камбэк амалга оширган ҳолда таслим этиб, кейинги босқич йўлланмасини қўлга киритди.