Икки юлдуз “Барса”ни танлади

“Атлетико Мадрид” ҳужумчиси Хулиан Альварес ва “Интер” ҳимоячиси Алессандро Бастони фаолиятини “Барселона”да давом эттиришни афзал кўрмоқда.

Бу ҳақда Mundo Deportivo хабар берди.

Агар Альварес Мадрид клубини тарк этишга қарор қилса, у ўзига қизиқиш билдираётган “Арсенал” ва “Пари Сен-Жермен”дан кўра, “Барселона”га ўтиш вариантини танлайди.

Бастони эса каталонияликлар спорт директори Деку ва бош мураббий Ханс-Дитер Фликдан трансферга розилик олганидан сўнг “Интер” раҳбариятини трансфер нархини пасайтиришга кўндиришга ёрдам беришга тайёр.

“Барселона” келаси мавсум олдидан марказий ҳужумчи ва ҳимоячи сотиб олишни режалаштирмоқда. Альвареснинг “Атлетико” билан шартномаси 2030 йилгача амал қилади, у клубда бахтли эканини айтган, аммо жамоани ўзгартириш эҳтимолини истисно этмаган. Унга “Арсенал” ва ПСЖ ҳам қизиқмоқда, аммо энг жозибали таклиф “Барселона”дан келган.

Бастони бўйича келишув анча амалий кўринади. Музокаралар яқин вақт ичида қайта тикланади. Футболчи “Барселона”га ўтишни хоҳлайди ва кетишдан олдин Италия чемпионлигини қўлга киритишни мақсад қилган. Агар трансфер амалга ошса, у “Интер” билан музокара қилиб, 70–80 миллион евро атрофидаги талаб қилинган нархни пасайтиришга ҳаракат қилади. Бастони фикрича, муваффақиятли мавсумлардан кейин Италияни тарк этиш учун айни вақт.