Икки карра UFC cобиқ чемпиони: "Илия Топурия Арман Царукяндан қочмоқда"

Икки карра UFC cобиқ чемпиони Ти Жей Диллашоу енгил вазнда амалдаги чемпион Илия Топурия ва даъвогар Арман Царукян ҳақида гапирди.

"Илия Армандан қочмоқда, деб ўйлайман. Гарча у UFC даги энг кучли техникага эга жангчи бўлса-да, Царукян ҳақиқий хавф эканини ҳис қиляпти", - деди Диллашоу "Podcast Jahond" га берган интервьюсида.

Эслатиб ўтамиз, Топурия охирги жангида Чарльз Оливейрани, Арман эса Дэн Хукерни мағлуб этганди.