Игорь Сергеев "Патхум Юнайтед"га кўчиб ўтади, шартнома шартлари маълум

Игорь Сергеев Қозоғистон Премьер лигаси вакили "Тобол" билан шартномасини бекор қилгани ҳақида хабар бергандик.

SPORTS.uz сайтига маълум бўлишича, маҳоратли ҳужумчимиз Таиланднинг "Патхум Юнайтед" клуби сафига бориб қўшилади. Томонлар 1+1 кўринишидаги битимга имзо чекади. Томонлар оғзаки келишувга эришган, фақатгина ҳужжатларга имзо қўйилса бўлгани.

Маълумот учун, Сергеев 2021 йилнинг июль ойидан бери костанайликлар шарафини ҳимоя қилиб келаётганди. 30 ёшли страйкер клуб либосида 66 ўйинда майдонга тушиб, ўз ҳисобига 27 гол ҳамда 5 ассистни ёздириб қўйган.

"Патхум Юнайтед" Таиланд чемпионати якунланган мавсумида 41 очко билан 9-ўринни банд этганди.