Ҳусанов ҳақида хунук хабар. Абдуқодир терма жамоага келмайди

Ўзбекистон миллий терма жамоаси марказий ҳимоячиси Абдуқодир Ҳусанов нглия Премьер-лигасининг учинчи турида “Манчестер Сити” сафида “Брайтон”га қарши ўтказилган учрашувда энг яхши ўйнаган футболчилардан бири бўлди.

Бироқ, учрашувнинг охирида 21 ёшли футболчимиз жароҳат олиб, тиббий ёрдамдан кейин ҳам ўйинни давом эттира олмаслигини билдирди.

Легионеримизни дарҳол захирага олган Хосеп Гвардиола агар Абдуқодир майдонни тарк этмаганида жамоаси мағлубиятга сабаб бўлган иккинчи голни ўтказмаслигини афсус билан таъкидлагани ҳам Ҳусановнинг клуб учун аҳамияти юқори эканини кўрсатади.

Ҳусанов ушбу учрашувдан кейин ФИФАнинг халқаро танаффусидан фойдаланиб, Ўзбекистон миллий терма жамоаси сафига қўшилиши керак эди.

Маълумки, 2026 йилги жаҳон чемпионатига тайёргарлик кўраётган бош жамоамиз саккизта терма жамоа иштирокида ўтказилаётган  “CAFA Nations Cup 2025” турнирида иштирок этмоқда.

Афсуски, чуқурлаштирилган тиббий кўрик Ҳусановнинг жароҳати даволанишни талаб этишини кўрсатди.

Ўзбекистон футбол ассоциацияси расман Абдуқодирнинг “CAFA Nations Cup 2025” турнирига келмаслигини тасдиқлади.

- Текширувлардан сўнг футболчимизнинг чап оёқ болдир мушагида кичик жароҳат борлиги аниқланган. Дастлабки хулосаларга кўра, тикланиш муддати икки ҳафтани ташкил этиши кутилмоқда. Шифокорларнинг тавсиясига биноан, Ҳусанов CAFA Nations Cup турнирида иштирок эта олмаслиги маълум бўлди, - дейилади ассоциация баёнотида.

Экспертларнинг таъкидлашича, бу Ҳусановнинг соғлиғини биринчи ўринга қўйиш ҳамда жароҳатни чуқурлаштириб юбормаслик учун қабул қилинган эҳтиёт чорасидир.

Қисқа муддатли танаффус даврида Абдуқодир шахсий реабилитация дастури асосида ишлайди: юкламалар босқичма-босқич оширилади, мушак кучини тиклаш ва қайталаниш хавфини камайтиришга қатъий риоя қилинади. “Манчестер Сити” ҳамда Ўзбекистон миллий терма жамоаси шифокорлари ўзаро ҳамкорликда тикланиш жараёнини назорат қилади.

Абдуқодир Ҳусанов фаолиятида жорий мавсум муҳим аҳамият касб этади. Ўзбекистон миллий терма жамоасининг етакчи ҳимоячиси ёзда бўладиган жаҳон чемпионатига идеал формада етиб бориши керак. Қолаверса, Хосеп Гвардиола бошчилигидаги мураббийлар штаби энди ўзбек футболчисига тўла ишонч билдира бошлади.

Англия футболи экспертлари ҳам  ўз таҳлилларида ҳамюртимизнинг тезкорлиги, ўйин темпини юқори даражада ушлаши ва замонавий ҳимоячига зарур бўлган барча малака ва кўникмаларга эга эканини  алоҳида таъкидламоқда.

Ҳусанов 2023 йилнинг ёзидан бери “топ-5” лигалари қаторида турувчи Франция ва Англия чемпионатларида ўйнаб, тажриба орттириб келмоқда. Абдуқодир Ўзбекистон миллий терма жамоасида 22 та учрашувд а иштирок этган.

Ҳусанов – “Сити”даги ҳеч кимда йўқ уч сифатга эга ягона футболчи!

Ҳусановсиз ҳимоя расво бўлади!

Ҳусановда айб йўқ! Абдуқодирнинг ўйини қандай баҳоланди?

Ҳусановни охиригача ўйнатмаган Гвардиола аламли мағлубиятдан кейин нима деди?

“Манчестер Сити” фанатларининг Ҳусановга муносабати қандай?

Шомуродов ва Файзуллаев “Башакшеҳир”даги жиддий ўзгаришларга сабаб бўлмоқда