Here we go! Абрахам "Милан" футболчиси

"Рома" ҳужумчиси Тэмми Абрахам фаолиятини Италиянинг бошқа бир клуби "Милан"да давом эттиради. Футболчи борасида томонлар келишувга эришди, дея хабар бермоқда инсайдер Фабрицио Романо. 

Маълум бўлишича, ушбу трансфер учун миланликлар 10 миллион евро тўлайди. Шу билан бирга, Алексис Салемакерс бир мавсум "Рома"да ижарада ўйнайди. Абрахам тез орада тиббий кўрикдан ўтиши керак ва шундан кейин трансфер расмна эълон қилинади. 

26 ёшли инглиз 2021 йили "Челси"дан 41 миллион еврога сотиб олинганди. Унинг айни пайтдаги нархи 30 миллион еврони ташкил қилади.