Ҳамиджон Актамов: "Қийин ўйинни ўтказдик, дуранг адолатли натижа"
- 7-август 2021, 22:29
- Shuhratbek Jo’rayev
- 0
- Футбол
Бугун “Қизилқум” жамоаси Суперлиганинг 14-турида Наманганда “Андижон” жамоасига қарши баҳс олиб борди. Ушбу тўқнашувда жамоаларнинг кучлари тенг келди – 1:1.
“Қизилқум” бош мураббийи Ҳамиджон Актамов учрашув тўғрисида шундай деди:
- Бугун қийин ўйин ўтказдик. Биринчи бўлимда ўз ўйинимизни кўрсата олмадик. Жамоамизда айрим йўқотишлар борлиги панд берди. Агар Эркин Бойдуллаев ва Муҳсин Убайдуллаев таркибда бўлганида улардан фойдаланардик, ёрдами тегарди.
“Андижон” барибир бугун бизга қарши қаттиқ ҳаракат қилишини билгандик. Иккинчи бўлимда ҳужумлар уюштирдик, вазиятлар яратдик. Бундан унумли фойдаландик. Бошқа имкониятларимиздан эса фойдалана олмай қолдик.
Бугун барибир очко йўқотдик, деб ўйлайман. Ўйиндан келиб чиқиб хулоса қилсак, дуранг адолатли бўлди.