Гвардиола ёзда 200 миллион еврога икки ўйинчи олади. Номзодлар маълум
- 20-март 2025, 11:01
- Zohir Toshxo’jayev
- 0
- Футбол
“Манчестер Сити” қишки трансферлар даврида бошланган янгиланишларни мавсум якунланганидан кейин ҳам давом эттиради.
Клуб раҳбарияти шу пайтга қадар юксак натижаларни қайд этган енгилмас таркибнинг даври ўтгани ва уни янгилаш кераклигини тушуниб етган. “Шаҳарликлар”нинг трансфер сиёсатига эътибор қаратсак, улар ёш ва иқтидорли ўйинчиларни жамоага жалб қилиб келмоқда.
“Сити” хўжайинлари ёзда олинадиган икки футболчи учун 200 миллион евро ажратадиган бўлди. Хосеп Гвардиола бу пулга биттадан ҳужумкор ўйинчи ва қанот ҳимоячисини олишни кўзлаяпти.
Флориан Вирц:
Германиянинг “Байер Леверкузен” жамоасининг ярим ҳимоячиси Флориан Вирц — Европа футболидаги энг истиқболли ёш юлдузлардан. Майдонни яхши кўра олиши, балансни ушлаб туриш ва ҳужумда хавф яратиш қобилияти туфайли Вирц “Сити”нинг ҳужумкорлигини сезиларли даражада кучайтиради.
Андреа Камбьясо:
“Сити” анчадан бери Туриннинг “Ювентус” клуби ҳимоячиси Андреа Камбьясони ҳам кузатмоқда. Андреа тезкорлиги эвазига ҳимоядаги вазифаларини уддалаш билан бирга ҳужумга ҳам қўшилишни хуш кўради. Айнан “Манчестер Сити”га мос ўйинчи экани айтилмоқда.