Гвардиола Гюндоганнинг кучли томонлари ҳақида гапирди

"Манчестер Сити" бош мураббийи Хосеп Гвардиола ярим ҳимоячи Илкай Гюндоган ҳақидаги фикрлари билан ўртоқлашди.

“Гюндоган жамоа учун муҳим футболчи. У камтар ва жимгина орқасидан бошқа ўйинчиларни эргаштирадиган етакчи. Унда гол инстинкти ривожланган ва самарали узатмалар бера оладиган ҳужумкор ярим ҳимоячи. Бундан ташқари у тўғри позицияни танлашда адашмайди. Илкай таянч ярим ҳимоячи сифатида ҳам ўйнай олади", - дея испаниялик мутахассиснинг сўзларини келтиради "Daily Mirror" нашри.

Маълумот учун, германиялик хавбек 2016 йилнинг ёзидан буён "шаҳарликлар" шарафини ҳимоя қилиб келмоқда. Жорий мавсумда Илкай 43 та ўйинда майдонга тушиб, 5 та гол урди ва шерикларига 5 та голли узатмани амалга оширди.