Гвардиола: Бўлди, ҳаммаси тамом!
- 28-июл 2025, 13:32
- Zohir Toshxo’jayev
- 0
- Футбол
“Манчестер Сити” бош мураббийи Хосеп Гвардиола журналистларнинг қачонлардир “Барселона”га қайтиш ҳақидаги саволларига аниқ ва лўнда жавоб қайтарди.
- Ҳаммаси тамом бўлган. Абадий тугаган. Ҳаммаси ажойиб бўлган эди, барибир якунига етиб бўлган, - деди Хосеп Гвардиола.
Испаниялик мутахассис Каталония суперклубини 2008-2012 йиллар давомида бошқарган. Унинг қўл остида “Барселона” бир неча нуфузли совринлар, хусусан, УЕФА Чемпионлар лигаси ғолиблигини қўлга киритган.
Хосеп Гвардиола кейинчалик “Барселона”дан “Бавария”га кўчиб ўтди. Мюнхен клуби футболчилари билан ҳам катта ютуқларни қўлга киритди.
53 ёшли мутасахассис 2016 йилдан бери “Манчестер Сити”га устозлик қилиб келмоқда. “Шаҳарликлар” унинг қўл остида олти бор Англия чемпиони бўлди ва ўз тарихида илк маротаба Европа Чемпионлар лигасида зафар қучди.