Гризманн номини тарихга муҳрлади

“Атлетико”нинг франциялик ҳужумчиси Антуан Гризманн Испания чемпионатининг навбатдаги турида “Хетафе” дарвозасини икки маротаба ишғол қилди ва жамоасининг 3:3 ҳисобидаги дуранг натижасини таъминлади.

Бу баҳс Гризманн учун тарихий аҳамият касб этди.

Opta Sport нашрининг маълум қилишича, франциялик форвард Мадрид клубидаги голлари сонини 173 тага етказиб олди ва клуб тарихидаги энг яхши тўпурар Луис Арагонесга етиб олди.

Бундан буён Гризманнинг “Атлетико” сафидаги ҳар бир голи янги рекорд сифатида қайд этилаверади.

32 ёшли футболчи профессионал фаолиятининг асосий қисмини “Атлетио”да ўтказмоқда. 2019  йилнинг ёзида “Барселона” Антуанни 120 миллион еврога трансфер қилганди. Бироқ моҳир тўпурар каталонияликларнинг ўйин услубига мослаша олмади ва ортга қайтишига тўғри келди.

Антуан Гризманн клублар миқёсида жами 668 та учрашувда майдонга тушиб, ўз ҳисобига 260 та гол ва 113 та ассист расмийлаштирган.

Франция терма жамоасида Антуан 127 та ўйинда рақиблар дарвозасини 44 маротаба ишғол қилган.