Германия 2001 йилдан бери биринчи марта ЖЧ саралаш ўйинида гол ура олмади

Германия терма жамоаси сўнгги 24 йил ичида биринчи марта Жаҳон чемпионати саралаш ўйинида гол ура олмади. Германия сўнгги марта 2001 йилда мундиал саралашида гол ура олмаганди - Финляндия билан ўйинда 0:0 ҳисоби қайд этилган. Бу ҳақда Opta Sports хабар бермоқда.

Кеча немислар 2026 йилги Жаҳон Чемпионати учун Европа саралаши гуруҳ босқичи 1-туридан ўрин олган Словакияга 0:2 ҳисобида мағлуб бўлди. Словакия терма жамоаси ЖЧ-2026 Европа саралашининг бир ўйинидан сўнг уч очко жамғариб, А квартетида иккинчи ўринни эгаллаб турибди.

2-тур доирасида Германия 7 сентябр куни Шимолий Ирландияга қарши баҳс олиб боради.