Футзал. Ўзбекистон терма жамоасини бугун муҳим ўйин кутмоқда

Бугун Литвада футзал бўйича жаҳон чемпионати давом эттирилади. 

Баҳодир Аҳмедов қўл остидаги Ўзбекистон терма жамоаси 2-турда гуруҳ пешқадами Россия термасига қарши баҳс олиб боради. Учрашув Тошкент вақти билан 22:00да ўтказилади. Беллашув "Спорт" канали орқали жонли эфирда намойиш қилинади.

Эслатиб ўтамиз, терма жамоамиз 1-турда Гватемалага 4:5 ҳисобида имкониятни бой бериб қўйганди. Россия термаси эса Миср устидан йирик 9:0 ҳисобида зафар қучган.