Фрэнсис Нганну: "Фаолиятимни тугатишдан олдин, албатта, мана шу боксчи билан жанг қилишни истардим"

Оғир вазн тоифасида PFL чемпиони Фрэнсис Нганну собиқ жаҳон чемпиони Деонтай Уайлдерга қарши бокс қоидаларига кўра жанг қилмоқчи.

"Ҳа, Уайлдер билан баҳс ҳали ҳам мен учун жуда қизиқ. Сўнгги суҳбатимиздан бери ҳеч нарса ўзгармади, аммо менда фаолиятимни якунлашимдан олдин, албатта,  Деонтай билан курашишни истардим. Бир-икки ой кутаман, кўрамиз, PFL менга бирор таклиф берармикан. Шунга қараб кейинги режаларимни белгилайман”, - деди Нганну "TM3 Sports" нашрига берган интервьюсида.

Эслатиб ўтамиз, 20 октябрь куни Саудия Арабистонида ўтказилган PFL турнирида Фрэнсис Нганну 1-раундда Ренан Ферейрани техник нокаутга учратди.