Флик “Барселона”га янги юлдуз танлади
- 21-сентябр 2025, 15:47
- Zohir Toshxo’jayev
- 0
- Футбол
“Барселона” бош мураббийи Ханс-Дитер Флик клуб раҳбариятидан ёзги трансферлар вақтида Англия Премьер-лигасининг энг ишончли ҳимоячиларидан Марк Гехини олиб беришни талаб қиляпти.
25 ёшли англиялик футболчи “Кристал Пэлас”да охирги мавсумини ўтказмоқда ва клуб билан янги шартнома тузишни рад этиб келяпти. Ёзда Англиянинг амалдаги чемпиони “Ливерпуль” Гехини қўлга киритишга уриниб кўрди. Бироқ трансфер охирига етмай қолди.
El Nacional нашрининг ёзишича, Ханс-Дитер Флик Марк Гехи унинг жамоасига ҳар томонлама мос тушишини таъкидлаяпти. Чунки Каталония клуби таркиби ҳам мунтазам ўзгаришларга дуч келмоқда.
Хусусан, икки ҳафта аввал жамоани ҳимоячи Иньиго Мартинес тарк этди. Ёзда Андрес Кристенсен ҳам Каталониядан кетади.
Германиялик бош мураббий Англия Премьер-лигасида пишган ҳимоячини бежиз танламади. Фликка Гехининг етакчилик қобилияти, тўпни назорат қилиш маҳорати ва ҳимоячига зарур бўлган барча сифатларни ўзида мужассам қилгани маъқул келган.
Билан бирга ёзда эркин агентга айланадиган Марк Гехига Европанинг қатор гранд клублари кўз тикаётгани “Барселона”га трансферни амалга оширишда қўшимча қийинчиликлар туғдиришини инобатга олиш лозим.