ФИФА президенти Мексикадаги тартибсизликлар фонида ЖЧ-2026 ўтказилиши ҳақидаги саволга жавоб берди
- 25-феврал, 11:38
- Ali Ahmadxo’jayev
- 0
- Футбол
ФИФА президенти Жанни Инфантино мамлакатдаги кескин вазият фонида ЖЧ - 2026 ўйинлари Мексикада ўтказилиши мумкинлиги ҳақидаги фикрлари билан ўртоқлашди.
"Вазият тинч, ҳозир ҳаммаси жойида. Умуман олганда, ҳаммаси муаммосиз ўтиши керак", - дея Инфантинонинг сўзларини келтиради AS.
Эслатиб ўтамиз, 22-февраль, якшанба куни Мексика Қуролли кучларининг махсус операцияси натижасида мамлакатдаги энг йирик наркокартеллардан бири "Янги авлод Халиско" (CJHG) етакчиси“Эл Менчо” номи билан танилган Немесио Осегера Сервантесни йўқ қилишди. Шундан сўнг, Мексиканинг бир қанча шаҳарларида тартибсизликлар бошланди. Бир неча шаҳарларда, жумладан, Испания - Уругвай учрашуви ўтказиладиган жойлардан бири - Гвадалахарада картел иштирокчилари автомобилларга ўт қўйиб, йўлларни тўсиб қўйган.
2026 йилги жаҳон чемпионати 11 июндан 19 июлгача учта давлат - АҚШ, Мексика ва Канадада бўлиб ўтиши керак. Мексикада турнир учрашувлари Мехико, Монтеррей ва Гвадалахара шаҳарларида бўлиб ўтади.
Ўзбекистон эса, мундиалдаги илк учрашувини Мехико шаҳрида Колумбияга қарши ўтказади.