Файзуллаевнинг салоҳиятини кўрдик! “Башакшеҳир” устози Аббос ҳақида яна нималар деди?

Ўзбекистон миллий терма жамоаси етакчилари – Элдор Шомуродов ва Аббосбек Файзуллаевни ўз сафига қўшиб олган “Истанбул Башакшеҳир” учун янги мавсум анча эрта бошланиб, турк клуби УЕФА Конференциялар лигаси саралаш турнирида юришини бошлаб бўлган.

Халқаро мусобақанинг иккинчи босқичида Болгариянинг “Черно Море” жамоасини иккита учрашувда 1:0 ва 4:0 ҳисобида мағлубиятга учратган Чағдаш Атан шогирдлари навбатдаги раундда Норвегиянинг “Викинг” жамоаси билан рақобатлашади.

Бу учрашув 7 август куни Тошкент вақти билан соат 22:00 да бошланади.

“Истанбул Башакшеҳир” бош мураббийи Чағдаш Атан беллашув олдидан ўз фикр-мулоҳазаларини билдириб, расмий учрашувларда қатнашмаётган Аббосбек Файзуллаев ҳақида ҳам гапирди.

Sports.uz портали турк клубининг 45 ёшли бош мураббийи Чағдан Атан фикрларини ўзбекистонлик футбол ишқибозлари эътиборига ҳақола этади.

- Бу гал биз синтетик қопламалида ўйнашимизга тўғри келади. Биз анчадан бери бунақа майдонда  тўп тепмаганмиз. Бу биз учун муаммо. Шимоллик рақибларимиз жисмонан бақувват. Биз камчиликларимизни устунликка айлантирмоқчимиз. Бу учрашувда охиригача курашиш керак. Жамоамизнинг жанговар руҳияти, ўйинчиларимизнинг маҳорати эвазига зафар қучмоқчимиз.

“Викинг” югурадиган ва тўпга эгалик қилишни яхши кўрадиган жамоа. Бироқ биз Истанбулга ижобий натижа билан қайтмоқчимиз.

Камчиликларимизни минималлаштириш учун футболчилар маҳорати ва жамоавий қудратимизга асосланган режа ишлаб чиқдик. Ўзимизни оқлашга ҳожат йўқ. Йиғинимиз юқори даражада ўтган. Ўз ўйин ритмимизни топишга жуда яқинмиз. Барча шогирдларим ўйинга тўлиқ ўзини бағишлашга тайёр. 99 фоиз ҳаракатни ҳам қабул қилмаймиз. Ҳар бир футболчи охиригача курашади.

Шиддат ва жасорат билан ўйнашимиз талаб этилади. Айрим ҳудудларда эса, ақл билан ўйнашга тўғри келади. Истанбулга қайтишдан олдин, ижобий натижага эришишимизга умид қиламан.

ЦСКАдан олинган янги ўйинчи – Аббосбек Файзуллаев ўтган ҳафта давомидаги машғулотларда бизга ўзининг салоҳияти юқори даражада эканини намойиш қилди. Унинг трансфери бўйича ҳужжат ишлари ҳали охирига етгани йўқ.

Шу туфайли Файзуллаев “Викинг”га қарши учрашувларда иштирок этолмаса керак. Агар биз унинг трансфер ҳужжатлари бўйича ижобий натижа олсак, балки Аббосдан жавоб учрашувида фойдаланармиз, - деди Чағдаш Атан.

Эслатиб ўтамиз, ўтган мавсум Туркия Суперлигасида бешинчи ўринни эгаллаган “Истанбул Башакшеҳир” ёзги трансферлар даврида таркибини янги ижрочилар билан кучайтирди. Хусусан, клуб “Рома”дан Элдор Шомуродовни кейинчалик тўлиқ трансфер қилиш ҳуқуқи билан бир йилга ижарага олди.

Аббосбек Файзуллаев трансфери учун эса, турклар “армиячилар”га 7,5 миллион евро тўлади.  21 ёшли легионеримиз “Башакшеҳир” билан беш йиллик шартнома тузган.

Шомуродов тушиб, ўйинда бурилиш рўй берган баҳсдан кейин “Башакшеҳир” устози нималар деди?

“Манчестер Сити” Ҳусановни танлади

Ҳусановни сўраётган клублар бор, лекин...

Ҳусанов, дўстингни табриклаб қўй!

Ҳаммаси тугади! Ҳусановнинг устозидан нохуш хабар

Файзуллаев нега Еврокубокларда ўйнамаяпти?

Гвардиола Ҳусанов “ғажиб ташлаган” юлдузни олиб келмоқчи

Ҳусанов бўйича муҳим қарор!

Ҳусановни “Манчестер Сити”га жойлаган мутахассис ишдан кетди!

Файзуллаев ЦСКАдан кетганининг асл сабаби ошкор бўлди

Эксперт: Бу футболчи Ҳусановнинг йўлини тўсяпти