Фаолиятидаги дастлабки совринни қўлга киритган Кейн ҳиссиётларини яшириб тура олмади

Харри Кейн "Бавария"нинг Бундеслигадаги ғалабасидан сўнг мухлисларга мурожаат қилди.

- Барчага салом! Биз чемпионмиз! Бу ажойиб ҳис-туйғу.

Мен шунчаки мавсум давомида уйда ва сафарда қўллаб-қувватлаганлари учун мухлисларга миннатдорчилик билдирмоқчиман. Буларнинг барчаси сизсиз амалга ошмас эди.

Биринчи совринимни айнан шу ерда, "Бавария"да қўлга киритганимдан жуда ғурурланаман. Келинг, кейинги бир неча ҳафта давомида бундан биргаликда баҳраманд бўлайлик, - деди "Бавария"нинг англиялик ҳужумчиси.

Эслатиб ўтамиз, мюнхенликлар 32-турда муддатидан олдин Германия чемпиони бўлишди. Кейн 31 ёшида фаолиятидаги илк совринни қўлга киритди.