Фабрегас нега Италия B Серияси клубига ўтди?

"Монако"нинг собиқ ярим ҳимоячиси Сеск Фабрегас янги мавсумини Италия B Сериясида иштирок этувчи "Комо" жамоасида ўтказади.

Таниқли италиялик мутахассис Жанлука Ди Марцио испаниялик футболчининг кўпчиликка таниш бўлмаган жамоага кетишга қарор қилгани сабабини ошкор қилди. "Сеск нега айнан мана шу жамоани танлаганига сабаб, у футболчилик фаолиятини якунлаганидан сўнг мураббийлик фаолиятига тайёргарлик кўришни режалаштирмоқда. Фабрегаснинг фикрига кўра, Италия бунинг учун энг яхши вариант", - деди Ди Марцио.

Мутахассиснинг айтишича, футболчининг B Серия жамоасига ўтишига "Челси"даги собиқ жамоадоши Деннис Уайз ёрдам берган. Айтиш керакки, Уайз айни дамда "Комо" клуби спорт директори ҳисобланади.