Европада Ямални рекорд суммага оладиган суперклуб чиқди
- 20-октябр 2025, 10:26
- Zohir Toshxo’jayev
- 0
- Футбол
Европа Чемпионлар лигасининг амалдаги ғолиби “Пари Сен-Жермен” хўжайинлари “Барселона”дан 18 ёшли Ламин Ямални трансфер қилиш учун катта сумма тикишга тайёр экани маълум қилинди.
Goal нашри ва журналист Роман Молинанинг ёзишича, парижликлар айни пайтда Ямал олиш имкониятларини ўрганиб чиқмоқда.
Ўтган ёз 18 ёшга тўлиши билан Ямал каталонияликлар билан янги профессионал шартнома имзолади. 2031 йилнинг 30 июнигача давом этадиган битимни футболчига 1 миллиард евро миқдорида бадал пули белгиланган.
ПСЖ Ямални олиш учун клуб томонидан ўрнатилган трансфер рекордини янгилаши мумкин. 2017 йили Франция гранди “Барселона”дан Неймарни 222 миллион еврога трансфер қилган эди.
Энди манбага кўра, Париж суперклуби Ламин Ямал трансфери учун 250 миллион евродан кўпроқ маблағ йўналтириши кутилмоқда.