Евро-2020. Жанговар дуранг қайд этган Португалия ва Франция кейинги босқичга йўл олди

Европа чемпионати 3-туридан ўрин олган Португалия - Франция учрашуви ўз ниҳоясига етди. Унда томонлар 2:2 ҳисобидаги дурангга имзо чекди.

Дастлаб, Криштиану Роналду пенальтидан йўллаган аниқ зарбаси билан ҳисобни очди. Бунга французлар Карим Бенземанинг икки голи эвазига жавоб қайтарди. 60-дақиқада Роналду ўзининг терма жамоадаги 109-голини киритиб, ҳам жамоасини кейинги босқичга олиб чиқди, ҳам Али Дайининг тарихий рекордига етиб олди.

Шундай қилиб, 5 очко тўплаган французлар пешқадам сифатида кейинги босқичга йўл олган бўлса, португаллар 3-ўрин билан плей-оффга чиқди. 

{online}3230672{/online}