Эрон устози: Эрон дунёдаги энг тинч давлатлардан бири

10 октярбь куни Ўзбекистон терма жамоаси "ЖЧ-2026" саралаши доирасида Эрон терма жамоасига қарши майдонга чиқади. Мазкур беллашув олдидан ташкил этилган матбуот анжуманида форслар бош мураббийи Амир Галеной журналистларни қизиқтирган саволларга жавоб берди. 

- Авваламбор ҳаммага ассалому алайкум. Катанецнинг тезроқ тузалишига умидвормиз. Ўзбекистон яхши терма жамоа. Эртага бизда кўп имконият бўлмайди. Аввалги баҳсларда кўплаб имкониятларни кўкка совурганмиз. Бу сафар вазиятлардан фойдаланишга ҳаракат қиламиз. 

- Албатта, эртанги баҳс ҳар икки жамоа учун муҳим. Биз Ўзбекистон терма жамоасига қарши қандай ўйнашни биламиз. 3 очко учун қўлимиздан келганча ҳаракат қиламиз. 

Эрон - БАА баҳси қаерда бўлгани жамоангиз учун қулай?

- Бор эътиборимизни эртанги беллашувга қаратганмиз. Шуни айтмоқчиманки, Эрон дунёдаги энг яхши ва тинч давлатлардан бири ҳисобланади. 

- Икки ҳафта олдин Эронда Элит Чемпионлар лигаси ўйинини ўтказганмиз. Ўша беллашув анча яхши ўтганди. Ҳозирда биз бор эътиборимизни Ўзбекистонга қарши беллашувга қаратганмиз.

- Ўзбекистон яхши футболчилар жуда кўп. Шукрки, биз илк икки ўйинда гол ўтказиб юбормадик. Биз Ўзбекистонни жуда яхши ўрганиб чиқдик ва эртанги беллашувда 3 очко қўлга киритишга ҳаракат қиламиз. 

- 50 йилдан бери футболни ичидаман ва ўз тажрибамдан келиб чиқиб шуни айтмоқчиманки, биз бор эътиборимизни эртанги баҳсга қаратмоқчимиз. 

"CAFA" финалида Ўзбекистонни ютган эдингиз? Ўзбекистонни ўз майдонида ютиш ҳақида фикр билдирсангиз?

Ўша учрашув эсимда. Ўзбекистонни мана шу стадионда ютган эдик ва эртага ҳам шу натижани такрорлашга ҳаракат қиламиз.