Эмилиано Мартинес клуби ва терма жамоаси сафидаги сўнгги 5 та пенальтилар сериясининг барчасида зафар қучди

Кеча тунда УЕФА конференциялар лигаси чорак финал жавоб учрашуви доирасида "Астон Вилла" "Лилль" билан куч синашди ва пенальтилар сериясида ғалаба қозониб, ярим финалга йўл олди. Аҳамиятлиси, англияликлар сафида ғолиб бўлган аргентиналик Эмилиано Мартинес клуби ва Аргентина учун сўнгги 5 та пенальтилар сериясининг барчасида зафар қучди. 

У 2020 йилда "Арсенал" билан "Ливерпуль"ни Англия суперкубоги доирасида мағлуб этган, 2021 йил Аргентина сафида "Копа Америка" доирасида Колумбиядан устун келган. Шунингдек, Қатарда ўтган жаҳон чемпионатида дастлаб, чорак финалда Нидерландия маҳв этилган. Сўнгра, финалда Франция совринсиз қолдирилган. 

Эслатиб ўтамиз, "Астон Вилла" конференциялар лигаси ярим финали доирасида Грециянинг "Олимпиакос" жамоасига қарши саф тортади.