Элдор Шомуродов Ўзбекистон МТЖнинг энг яхши тўпурарига айлангани ҳақида пост қолдирди

Ўзбекистон миллий терма жамоаси сардори Элдор Шомуродов "CAFA Nations Cup" турнири иккинчи тури доирасида Туркманистонга қарши ўйинда майдонга тушди ва дубль муаллифига айланди.

35 ва 36-тўпларини киритган маҳоратли ҳужумчимиз "оқ бўрилар" либосида энг кўп гол урган футболчига айланиб олди. Элдор ўйиндан кейин "Инстаграм"даги саҳифасида қуйидагича пост қолдирди:

"Ўзбекистон тўпурари бўлганимдан жуда хурсандман. Бундан ажойиб натижага эришишни фақат орзу қилардим, аммо агар меҳнат қилсак, барчасини қўлга киритиш мумкин.

Оиламга меҳр ва қўллаб-қувватлаб тургани учун, жамоадошларимга биргаликда амалга оширган ишларимиз учун миннатдорчилик билдираман.

Ўзгача лаҳзаларни қизақоғимга бағишладим".