Элдор Шомуродов "Аталанта" дарвозасига киритган икки голи ҳақида: Мен мураббийнинг кўрсатмаларини бажардим

Элдор Шомуродов А Серия 37-тури доирасида "Аталанта"га қарши кечган (3:4) ўйиндан сўнг "Женоа" расмий сайтига кичик интервью берди.

"Мураббий майдонга тушишимдан олдин кўрсатмалар берган эди ва мен унинг кўрсатмаларини амалга оширдим.  А Серияда 7 та гол киритишимни кутганмидим? Кутмаган эдим, лекин ўзимнинг энг кучли жиҳатларимни намойиш этишга ҳаракат қилдим. 

Пандев билан яхши муносабатдаман. Ундан кўп нарса ўргандим. 7 та гол орасидан "Специя"га киритган голимни энг яхшиси, деб айта оламан", - деди Шомуродов.