Элдор Шомуродов, Жалолиддин Машарипов, Ҳусаин Норчаев. Йилнинг "энг яхши футболчиси" соврини кимга насиб этади?

Йил давомида ўзини ҳар жиҳатдан намойиш этган ҳолда футболимиз жамоатчилиги эътирофига сазовор бўлган футболчи, футзалчи, мураббий ҳамда яна кўплаб футбол жонкуярларини тақдирлаш мақсадида ЎФА ҳамда ЎзПФЛ мавсум якунларига бағишлаб йилнинг энг яхшиларини тақдирлаш маросими – UZ Football Awards тадбирини ўтказади. 

UZ Football Awards маросими жорий йилнинг 25 декабрь куни ZO’R TV нинг Renaissance Hall тантаналар залида бўлиб ўтади.

Ташкилотчилар номинациялар бўйича номзодларни эълон қилиб бормоқда. Энди эса бу йил Ўзбекистоннинг “Энг яхши футболчиси” совринига номзодларнинг кучли (якуний) учлиги билан танишинг:

• Жалолиддин Машарипов (“Шабаб Ал-Аҳли”/“Ал-Насср”)

• Ҳусаин Норчаев (“Насаф”)

• Элдор Шомуродов (“Женоа”/“Рома”)