Дуглас Костани яна "Бавария"га қайтаришмоқчи

“Ювентус” клуби ярим ҳимоячиси Дуглас Коста яна “Бавария”га қайтиши мумкин.

Bild нашри тарқатган хабарга кўра Мануэль Нойер, Томас Мюллер, Давид Алаба ва Роберт Левандовски жамоа бош мураббийи Ханс-Дитер Флик билан бўлган йиғилишда бразилиялик футболчини ортга қайтаришни сўрашган. Шу боис “Бавария” қишки трансфер ёпилгунича Костани сотиб олмоқчи.

Маълумот учун, Коста жорий мавсум “Ювентус” сафида А Серияда 10 та ўйинда майдонга тушди ва 3 та голли узатмага муаллифлик қилди.

Эслатиб ўтамиз, Дуглас Коста 2015-2017 йилларда “Бавария” сафида тўп сурган.