Дибала, ўрнингга сендан зўри келади!

“Ювентус” раҳбарияти билан янги битим бўйича келишувга эриша олмаган Пауло Дибала ёзда “Интер”га ўтиши ҳақида хабарлар кўпайиб бормоқда.

Ўз навбатида, туринликлар ҳам аргентиналик юлдуз ўрнига бошқа ўйинчи топиб қўйди. “Ювентус” мутасаддилари ёзда “Челси” ҳужумкор футболчиси Кристиан Плушични трансфер қилиш бўйича иш бошлашга тайёргарлик кўряпти.

Пулишич Томас Тухель унга тақдим қилаётган ўйин вақти камлигидан норози бўлмоқда ва ёзда бошқа жамоага ўтиб кетишни мақсад қилиб қўйган.

Ўйинчининг клуб билан шартномаси яна икки йил давом этади. Шунинг учун ҳам туринликлар яхшигина харажат қилишига тўғри келади. Жорий мавсум 34 та ўйинда еттита гол уриб, тўртта самарали узатма берган Пулишичнинг трансфери 45 миллион еврони ташкил қилади.