Денис Черишев Ла Лигада 100та ўйин ўтказган 8-россиялик футболчига бўлди

"Валенсия" клуби ярим ҳимоячиси Денис Черишев кеча “Леванте”га қарши ўйинда иштирок этди. Эътиборлиси, бу россиялик футболчи учун Ла Лигадаги юбилей 100-ўйин бўлди.

Черишев россиялик футболчилар орасида Испания примеросида 100талик довондан ошган 8-футболчи бўлди. Бунгача Валерий Карпин (384), Александр Мостовой (235), Виктор Онопко (214), Дмитрий Попов (153), Дмитрий Радченко (141), Владимир Бесчастних (141), Дмитрий Хохлов (111) ва Игорь Ледяховлар (106) ушбу натижани қайд этишган.

Эслатиб ўтамиз, Денис Черишев "Валенсия"дан ташқари шунингдек "Вильярреал" ва "Реал" Мадрид каби жамоаларда тўп сурган.