Дебют яқин. Ўрунов Уфага йўл олди
- 18-август 2020, 18:18
- Zohir Toshxo’jayev
- 1
- Футбол
Россия премьер-лигасининг учинчи турида “Спартак” сафар учрашувида “Уфа” билан куч синашади. Кўпчилик мухлису мутахассисларни москваликларнинг икки янги футболчиси – Остон Ўрунов ва Александр Кокорин қачон дебют қилиши қизиқтирмоқда.
Бунга жавобан, “Спартак” бош директори Шамиль Газизов ҳар икки футболчининг жисмоний ҳолатида ижобий ўзгаришлар борлигини таъкидлаб, “Уфа”га қарши учрашувда дебют бўлиши мумкинлигини айтганди.
Остон Ўруновнинг ўзи ҳам россиялик журналистларга “Худо хоҳласа, кейинги ўйинга тайёр бўламан”, - деган.
“Спартак” сафар учрашувига Остон Ўрунов ва Александр Кокоринни ҳам олиб кетишга қарор қилган.
19 август куни Тошкент вақти билан 18:00да бошланадиган “Уфа” - “Спартак” учрашувида янги футболчиларнинг дебют қилиш эҳтимоли юқори.