Даврон Файзиев: Мана шу учлик ўзаро тушуниб, боғлам юзага келтириши лозим. Шунда Шомуродовнинг голлар кўпаяди

УЕФА Конференциялар лигаси плей-офф босқичида "Трабзонспор" ҳамда "Рома" жамоалари ўзаро беллашди. 

Учрашувда Лоренцо Пеллегрини 55-дақиқада ҳисобни очган бўлса, орадан 9 дақиқа ўтиб, Корнелиус мувозанатни тиклади. Ушбу баҳсда расмий ўйинлардаги дебютини нишонлаган Элдор Шомуродов 81-дақиқада "бўрилар"га ғалаба келтирган голга муаллифлик қилди.

Ўйиндан кейин таниқли шарҳловчи Даврон Файзиев телеграмдаги саҳифасида Шомуродовнинг голига муносабатини билдирди.

Хайрулла Ҳамидов: Шомуродовнинг гол уришида асосий ишни Моуриньо бажариб берди...

- Биринчи навбатда биз учун катта хурсандчилик - Элдор Шомуродов “Рома”даги расмий учрашувда илк голини урди. Боз устига Еврокубокда. Римликлар учун мураккаб баҳсда ҳал қилиувчи гол муаллифига айланди. Бу голнинг қадрини оширади.

Тан олиш керак, мазкур беллашувда “Рома”нинг ўйини чиқмади. Кўриниб турибдики, жамоа янгиланмоқда. Биринчи навбатда янги мураббий. У ҳали тўлиқлигича ўз ғояларини сингдиргани йўқ. Мисол учун, Николо Заньоло, Генрих Мхитарян алоҳида ҳаракат қилгандек бўлди. Ўзаро комбинацияларни кўрмадик. Натижада Шомуродов кўпинча дарвозага тезкари ҳолларда тўпни қабул қилди. Мана шу учлик ўзаро тушуниб, боғлам юзага келтириши лозим. Шунда голлар кўпаяди. 

“Рома” минимум устунликдан ва имкониятдан максимал натижа чиқара олди. Римликлар биринчи таймда дарвозага деярли зарба беришмади. Иккинчи 45 дақиқаликда ҳам имкониятлар кўп бўлмади. Бироқ кичик имкониятни голга айлантиргани, Моуриньога хос жиҳат.

Шомуродов "Рома"нинг ғалабасини таъминлаган ўйиндаги голлар ва хавфли вазиятларни томоша қилинг (Видео)

Аммо кўриб турибмизки, потенциал бор. Хусусан, Элдор Шомуродов ёниб ўйнаяпти. Вазиятлар юзага келтиришга, ўзи шерикларига ёрдамлашишга тайёр. Жамоадошларидан кўмак ҳам кутади. Мана шу комбинациялар ишлаб кетгунча ҳали “Рома”да вақт бор. 

Бу билан ҳали римликлар “Трабзонспор”дан ўтгани йўқ. “Олимпико” стадионида жавоб учрашуви бўлади ва унда ҳам Шомуродовдан гол кутиб қоламиз, - деди Даврон Файзиев.

Энди томонлар жавоб ўйинида 1 ҳафтадан кейин Римда тўқнаш келади. Мазкур жуфтлик ғолиби гуруҳ босқичига йўл олади.