Дани Алвес: Юрагимнинг бир қисми Испанияда абадий қолади
- 5-август 2021, 22:12
- Baxtiyorjon Toshtemirov
- 0
- Футбол
Бразилиялик афсонавий ҳимоячи Дани Алвес Олимпиада финалида Испания терма жамоасига қарши ўйниндан олдин ўз фикрлари билан ўртоқлашди.
“Мен Испания терма жамоасини яхши биламан, бу менга маълум устунликни беради. Финалда бу жамоага қарши ўйнаш ёқимли. Мен бу мамлакатни жуда яхши кўраман, у менга кўп нарсани берди ва юрагимнинг бир қисми у ерда абадий қолади.
Бу кун ҳаммамиз учун тарихий кун бўлади. Биз бу лаҳзадан завқланишимиз керак, чунки Олимпиада финалида ўйнаш имконияти жуда кам учрайди”, - деди ҳимоячи Mundo Deportivo нашрига берган интервьюсида.
Эслатиб ўтамиз, Дани Алвес Ла Лигада "Севилья" ва "Барселона" клубларида узоқ йиллар тўп сурган.
Бразилия ва Испания олимпия терма жамоалари ўртасидаги ўйин 7 август куни Тошкент вақти билан соат 16:30 да бошланади.