Дана Уайт: "Bellator" учун 500 минг доллар? Бу аҳмоқлик"

UFC президенти "Bellator" промоушенининг сотилиши ҳақидаги миш-мишларга муносабат билдирди.

Олдинроқ, PFL промоушени Bellator учун 500 минг доллар таклиф қилгани маълум бўлганди.

"Нима учун "Bellator"ни сотиб олиш керак? Бу аҳмоқлик, агар бизнес ҳақида гап кетадиган бўлса ҳам, бу даҳшатли қарор бўларди. Кимдир мана шундай нархга "Bellator"ни сотиб олишини тасаввур ҳам қила олмайман. Майли, буёғини вақт кўрсатади.

"Bellator" учун 500 минг доллар? Савдода мағлуб бўлишни хоҳлайдиганлар бўлса, марҳамат сотиб олинг. Аммо бу аҳмоқлик", - деди UFC президенти Дана Уайт.