Даҳшат! Кейн қаторасига саккизинчи ўйинида гол уришга муваффақ бўлди

"Бавария" ва Англия терма жамоаси ҳужумчиси Харри Кейн кеча яна гол уришга муваффақ бўлди. Англия термаси сардори Мальтага қарши кечган ўйиннинг 75-дақиқасида ўз номини таблога ёздириб қўйди. 

Шу тариқа, Харри ўзи иштирок этган қаторасига 8-ўйинда ҳам рақиб дарвозасига тўп киритишнинг уддасидан чиқди. У клуб ва терма сафидаги сўнгги 8 та учрашувда 15 та гол уришни уддалади. 

Шунингдек, Кейн Англия терма жамоасида сўнгги 31 баҳсда 34 та голда қатнашди. Унинг ҳисобида 28 та гол ва 6 та ассист мавжуд.