Чемпион жамоа “Барса” футболчисини ўзига оғдириб олмоқчи
- 19-ноябр 2025, 12:27
- Zohir Toshxo’jayev
- 0
- Футбол
“Барселона”нинг 18 ёшли футболчиси Хуан Эрнандес Европа Чемпионлар лигасининг амалдаги ғолиби “Пари Сен-Жермен” скаутлари эътиборига тушди.
Испаниялик ўйинчининг шартномасида уни 6 миллион еврога трансфер қилиш бўйича банд бор. Бироқ парижликлар уни бепул қўлга киритмоқчи.
Гап шундаки, Хуан Эрнандеснинг каталонияликлар билан амалдаги битими жорий мавсум охирида якунланади. Эрнандес январда исталган клуб билан музокара олиб бориши ҳуқуқига эга.
Париж суперклуби мутасаддилари бундан фойдаланган ҳолда истеъдодли футболчини “Барселона” билан янги шартнома имзоламай, ёзда Францияга кўчиб ўтишга кўндирмоқчи.
“Барселона” мутасаддилари ҳам истеъдодли ўйинчи билан ҳамкорликни узайтириш бўйича музокара ўтказяпти. Лекин ҳозирча томонлар бир тўхтамга келгани йўқ.
Бош мураббий Ханс-Дитер Флик мавсум давомида Хуан Эрнандесни бир неча маротаба асосий жамоа учрашувлари қайдномасига киритган бўлса-да, ҳали дебют қилишга имкон бергани йўқ.