“Челси” яна бир ҳужумчидан қутилди

Таркибни ортиқча футболчилардан тозалаш ва маош фондини пасайтириш борасида иш олиб бораётган “Челси” асосий таркибга кириши қийин бўлганТэмми Абрахамни “Рома”га трансфер қилаётгани ҳақида хабар берган эдик.

Лондонликлар яна бир ҳужумчисига жавоб бериб юборди. “Аристократлар” бразилиялик Кенедининг ижара асосида “Фламенго”га ўтишига розилик берди. Шунингдек, “Фламенго” бу футболчини мавсум охирида 10 миллион еврога тўлиқ сотиб олиш ҳуқуқини ҳам қўлга киритди.

Келишувга кўра, Бразилия жамоаси истеъдодли ҳужумчининг маошини 100 фоиз ўзи тўлайдиган бўлди.