“Челси”: Битта бўлсин, зўр бўлсин!
- 6-январ 2021, 19:20
- Zohir Toshxo’jayev
- 0
- Футбол
“Челси” қишки трансферлар вақтида фақатгина битта футболчини харид қилишини билдирди.
Маълумотларга қараганда, бош мураббий Фрэнк Лэмпард бир неча янги ўйинчиларни олишни истаётган бўлишса-да, клуб раҳбарлари фақатгина “Вест Хэм” ярим ҳимоячиси Деклан Райсни сотиб олиш учун маблағ ажратишга қарор қилган.
Ёзда Лэмпард трансферларга 220 миллион фунт сарфлаганига қарамай, жамоа кутилган ўйинни намойиш эта олмаяпти. Клуб хўжайинлари Лэмпарднинг ўрнига ҳам мураббий қидирмоқда.
“Вест Хэм” 21 ёшли футболчининг трансферидан 80 миллион евро ишлаб олишни режа қилган. “Челси” мутасаддилари Райсни сотиб олиш учун Маркос Алонсо, Фикайо Томори, Дэнни Дринкуотер ва Вилли Кабальерони сотиб юборади. Агар бу футболчилар қишда кетмаса, Деклан Райснинг трансфери ҳам ёзга қолади.