"Буюк устоздандан ҳикоялар": Михаил Анга тан берган афсонавий мураббий ҳақида эшитганмисиз?

Икки кун аввал устозим таниқли журналист, айни вақтда ПФЛ да ишлаётган Ойбек Юнусов Самарқанд шаҳрида тадбир бор, борасанми?-дея сўради. Одатда, Ойбек ака бундай тадбирларга доимо, “буюк устоз” Ахбор Имомхўжаев билан чиқади. Шундай бўлсада, ҳамроҳлар ким эканлигини сўрадим ва табиийки ўзим кутган жавобни олдим. Тўғри аввал ҳам бир-икки марта у инсон билан биргаликда сафарга чиқиш бахтига муяссар бўлганман. Лекин унда бироз ёшроқ бўлганлигим сабабли, имкониятдан фойдалана олмагандим. Яъни, афсонанинг ўзидан “Пахтакор” 79 нинг ўзига ҳос тарихи ҳақида батафсил маълумот олишга бироз тортиниш бўлганди.

Бу сафар, менга шундай имкониятни тақдим этди. Гарчи, “самога сочилган юлдузлар”нинг бевосита ўйинларини томоша қилмаган бўлсамда, ёшлигимдан онгимга бетакрор жамоа ҳамда ўйинчаларимиз бўлганлиги сингиб кетган эди. Чунки футболга қизиқиш биз учун ота касб. Чунки дадам ҳам миллионлар ўйинининг ашаддий ихлосмандларидан. Ўша машҳур актёр Эргаш Каримовнинг ҳаётий ифодаларидан бири десам муболаға бўлмаса керак. Хуллас, дадам керак бўлса, Пеле, Зико, Стефано, Эйсебио, Пушкаш, Чарлтон, Марадоналардан ўзимизнинг Михаил Анни устун қўярди. Доимо, бирор бир футболни биргаликда томоша қилаётган бўлсак, “эхх Ан бўлгандами”-деб қоларди. Шу туфайлими билмадим менинг ҳам ушбу футболчига меҳрим тушганди.

Михаил Ан билан елкадош бўлган инсондан у ҳақида эшитиш эса мен учун таърифлаб бўлмайдиган воқейлик бўлди.

Қисқаси устоздан ўша даврнинг барча футболчилари ҳақида сўраб чиқдим. Аёнки, Ан борасидаги саволларим кўпроғини ташкил қилди.

Мазкур сафар давомида бу борада рукн қилиш нияти пайдо бўлди...

Шундай қилиб, бугунги рукнимизга асос солинди. Уни “Буюк устоздандан ҳикоялар” деб номладим. Спорт журналистикамизнинг тирик афсонасидан эшитганларимни сиз билан баҳам кўрмоқчиман. Ўйлайманки, бу сизга манзур келади.

Михаил Анга рақиб мураббийи тан берганди

- Аниқ йили ҳозир эсимда йўқ. Валерий Лобановский Днепропетровскнинг “Днепр” жамоасини бошқарар эди. (Мал.уч. Лобановский 1968-1973 йиллар ушбу клубда мураббийлик қилган) Биз ушбу клубни қабул қилдик. Ўша ўйинда “Пахтакор” 2:0 ҳисобида устун келди. ГОЛларни ҳар иккисини Михаил урди. Не кўз билан кўринг-ки, Валерий Лобановский иккинчи урган тўпидан сўнг, унинг маҳоратига тан берганди. Яъни ушбу ГОЛдан кейин уни узоқ вақт олқишлаб турганди. Кейинчалик у интервьюларида ҳам футболчимиз ҳақида кўплаб илиқ фикрлар билдирган.

Кузатиб боринг, келгуси сафар янада қизиқарли ҳикоялар кутиб турибди...