Бундеслига. "Бавария" голларга бой ўтган ўйинда ғалаба қозонди

Бундеслиганинг 23-тури доирасида Бавария ўз уйида Айнтрахт жамоасини қабул қилди ва 3:2 ҳисобида ғалаба қозонди.

Учрашувнинг 16-дақиқасида Павлович ҳисобни очди. Орадан кўп ўтмай, Ҳарри Кейн 20 ва 68-дақиқаларда гол уриб, дублни расмийлаштирди. Меҳмонлар сафида Буркардт 77-дақиқада пенальтидан аниқ зарба йўллаб, ҳисобдаги фарқни қисқартирди. 86-дақиқада эса Калимуендо яна бир гол уриб, ҳисобни 3:2 кўринишига келтирди. Қолган дақиқаларда жамоалар бошқа гол ура олишмади.

Шу тариқа, мюнхенликлар ўз очколари сонини 61 тага етказиб, турнир жадвалида пешқадамликни сақлаб қолмоқда.